Objektivat

Pjesëmarrja e të Rinjve

Rritja e pjesëmarrjes së të rinjve në disavantazh në vendimarrje, në komunitetet lokale dhe në nivelin qendror, nëpërmjet: ngritjes së kapaciteteve/ngritjes së vetëdijes në të drejtat e njeriut dhe aktivizëm; mentorimin e grupeve rinore për përfshirje në proceset vendimarrëse lokale dhe qendrore; veprimeve rinore lokale për të përmirësuar pozitën e të rinjve në disavantazh

Rritja e Përfshirjes dhe Punësimit

Rritja e angazhimit dhe punësimit të të rinjve të margjinalizuar, në veçanti të vajzave të reja, përmes zhvillimit të aftësive dhe përfshirjes në nisma vullnetare. Aktivitetet do të përfshijnë fushata informuese, trajnime për zhvillimin e aftësive për punësim (rritjen e punësimit të të rinjve përmes trajnimeve, praktikave dhe aktiviteteve të mbështetura për sipërmarrës të rinjë), mbështetje për vullnetarizmin në mesin e të rinjve në disavantazh nga zonat rurale dhe qytetet e vogla.

Dialogu Demokratik

Nxitja e dialogut demokratik mes të rinjve të Kosovës, i nxitur përmes ndërgjegjësimit dhe promovimit të barazisë gjinore, solidaritetit, marrëdhënieve ndërkulturore dhe kundër stereotipeve dhe dezinformimit, nëpërmjet: rritjes së vetëdijes dhe organizimit të debateve; shkëmbimit mes moshatarëve; dhe përfshirjes në diskutimet e vazhdueshme të udhëhequra nga të rinjtë në Kosovë.

CARE INTERNATIONAL

Historia e jonë

CARE punon në mbarë globin për të shpëtuar jetë, për të mposhtur varfërinë dhe për të arritur drejtësinë sociale. Ne kërkojmë një botë me shpresë, tolerancë dhe drejtësi sociale, ku varfëria është kapërcyer dhe të gjithë njerëzit jetojnë me dinjitet dhe siguri. Zyra në Kosovë është pjesë e CARE Balkans.

Kush jemi ne

CARE është një lider global në një lëvizje mbarëbotërore të dedikuar për t’i dhënë fund varfërisë. Ne jemi të njohur kudo për përkushtimin e palëkundur ndaj dinjitetit të njerëzve.

Misioni

Misioni ynë është t’u shërbejmë individëve dhe familjeve në komunitetet më të varfëra në botë. Duke marrë forcë nga diversiteti, burimet dhe përvoja jonë globale, ne promovojmë zgjidhje inovative dhe jemi avokatë të përgjegjësisë globale.

Visioni

Ne kërkojmë një botë shprese, tolerance dhe drejtësie sociale, ku varfëria është kapërcyer dhe njerëzit jetojnë me dinjitet dhe siguri.

Fokusi jonë

Ne i vendosim gratë dhe vajzat në qendër sepse e dimë se nuk mund ta kapërcejmë varfërinë derisa të gjithë njerëzit të kenë të drejta dhe mundësi të barabarta.

Vlerat tona

Ky angazhim për vlerat themelore përshkruan kush jemi ne, çfarë bëjmë dhe si e bëjmë atë. I pasqyron vlerat tona kryesore të TRANSFORMIMIT, INTEGRITETIT, DIVERSITETIT, EKSELENCЁS, dhe BARAZISЁ të cilat shërbejnë si bazë për gjithçka që bëjmë.

Arritjet

CARE International Balkans mbështet me €40,000 pesë biznese dhe organizata joqeveritare të udhëhequra nga të rinjtë; CARE Deutschland e.V. zyra në Kosovë dhe Agjencia e Punësimit të Republikës së Kosovës …

Ekipi yne

Merita Bytyci Kelmendi
Menaxhere e Projektit
Gjylymser Nallbani
Zyrtare e Granteve
Zana Haxhaj
Praktikante
Ema Kelmendi
Praktikante paraprake
Linda Simitciu
Koordinatore e Projektit SHL - Kosova

Lajmet e fundit

Më shumë lajme