CARE International Balkans në kuadër të projektit Pjesëmarrja e të Rinjve të Kosovës (KYP) të financuar nga Zyra e Bashkimit Evropian (BE) në Kosovë, po mbështet me 40,000€ pesë biznese dhe organizata joqeveritare të udhëhequra nga të rinjtë
Sot, më 31 tetor 2022, CARE u dha kontrata nëngrantesh në një shumë totale prej €40,000 dy bizneseve dhe tri OJQ-ve të udhëhequra nga të rinjtë.
Pesë aktivitetet sipërmarrëse përfituese të nëngranteve pritet t’i arrijnë rezultatet e mëposhtme:
- Krijimi i mundësive të drejtpërdrejta për punësimin e të rinjve
- Realizimi i trajnimeve në vendin e punës për t’i rritur aftësitë menaxheriale të të rinjve të përfshirë
- Sigurimi i qëndrueshmërisë dhe jetëgjatësisë së subjekteve të mbështetura (bizneset/OJQ-të e regjistruara).
Pesë përfituesit e përzgjedhur për financim prej €8,000 janë:
- Jakova Innovation Center me projektin “STEP UP”
- Print Zone SH.P.K. me projektin “Zgjerimi i biznesit me qëllim të punësimit të vajzave”
- Shoqata e Paraplegjikëve dhe e Paralizës së Fëmijëve të Gjakovës – Handikos Gjakova me projektin “Edhe ne mundemi”
- Shqiponjat e Dardanës me projektin “Mbështetje gjithëpërfshirëse për vajzat e reja sipërmarrëse”
- EEM Group SH.P.K. me projektin “Zyra e kontabilitetit – shërbime financiare, tatimore dhe kontabiliteti”
Nëngrantet shpërndahen nën skemën e Mbështetjes Financiare për Palët e Treta (FSTP), në kuadër të projektit Pjesëmarrja e të Rinjve të Kosovës. Projekti KYP udhëhiqet nga CARE dhe zbatohet bashkë me partnerin lokal SHL – Kosova në kuadër tëprogramit të BE-së Demokracia pjesëmarrëse dhe angazhimi i të rinjve.
Ky projekt po zbatohet me mbështetjen e Zyrës së Bashkimit Evropian (BE) në Kosovë.
CARE, nën skemën FSTP në kuadër të projektit KYP, do t’i mbështesë dhe do të ofrojë më shumë mundësi për të rinjtë e moshës 15 – 29 vjeç. Përkatësisht, 15 Veprime lokale që kanë për qëllim përmirësimin e pozitës së të rinjve, me shumë totale prej €15,000; Programet e trajnimit për ngritjen e aftësive të punësimit për 50 të rinj, me shumë totale prej €20,000; dhe Programi i praktikës me pagesë për 50 të rinj, me shumë totale prej €75,000.